GILE SHIKVEIN....

Arz kiya hai
Gile shikvein jo kuch bediyon main tabdeel the..
Inhe samjaauton ki aari si zara  dur kar lo...

Dooriyan bhi ab   apni thakaan main mansoob hai....
Inhe koshishon ke dhaage se paas laana kubool kar lo...

Intezaar ke afsaane ko...
 Khud ko Mita dene ka Fitoor bhar do....
Nam si apni aankhon ko uske deedar main masroof kar lo...

Pal pal main ek ishq ki boond basti hai....
Apne waqt se milne ko
yeh hamesha tarasti hai...

GHABRAO MAT...
Yunki yeh tumhari chaahon ko samajti hai...
Tumhaari hi shikvein  dur karna  yeh antt main chaahti hai..

Barson thami  hui aas ko jaga ke kadam mila lo...

BAHUT INTEHAAN HO GYI TERI...
Baahon main bhar ke..
Mohabbat ka aehsaas de ke...
Apni har saans uske naam kar ke...

Tum ek baar phir..apni adhuri deewangi main suroor bhar lo...

ANSUNA SA RAAG HAI...

Arz kiya hai

Manzur na huye toh shaayad kaabiliat pe ek daag hai...
Iss shaks ki kahaani bhi ek ansuna sa raag hai...

Mehfilo main shamil ho sake ..aisa iska apna taaj hai...
Iss shaks ki kahaani bhi ek ansuna sa raag hai..

Sadak ke dusri taraf jo uski maujoodgi hai...
Chain-o-sukoon apne yaar ki yaar ..aur voh jo uski saadgi hai....

Lafz byaan na kar paaye toh ishaaron ne bhi muh mod liya..
Khud toh yeh uski yaad main masroof the .....
Ab Fizaaon ne bhi inko pareshan karna chod diya...

Na byaan kar paane ki kamzori pe yeh Beintehaan hataash hai.....


ISS SHAKS KI KAHAANI BHI ANSUNA SA RAAG HAI!!