Jaise ki..unki awaaz aayi thi...
Suno,tum chai piyoge?"
Hum excitement ko apne chupaaye..
Hand brake bhai ko kaam pe lagaaye
Seat par apni jami tashreef ko uthaaye ..
Sharmaate hue ghar ke andar chal diye!
Humne phir sofe par apni tashreef jamaaye ...
Decent hone ki koshish kar rahe the....
"Your house is really nyc"
Yeh kehkar usual formality ko nibha rahe the!
Unhone pan main paani rakha aur hum unka chup chup ke deedar kar rahe the...
Kuch hi der main elaichi ki khushboo aayi....
Aur hum uske peeche peeche unn tak pahunch gaye the!
"Can i help you with anything?"
Yeh Kehte hue baat shuru karne ki chaah hum rakh rahe the...
Voh shaayad "Chai"main kuch zyaada hi masroof the...
Isiliye "No,its Okay" kehkar baat ko humaari rafa dafa kar rahe the!
Hum aas paas dekh kar busy hone ki acting hi kar rahe the....
Itne main...
Cheeni kitni mukaam...Ek...?
Humne sar hila kar jawaab diya....aur pocket main apne haath daal kar...
Busy hone ki acting main phir se lag gaye the...!
Yunki chai bani aur hum dono ne phir chuski lena shuru kiya...
Tabhi unhe yaad aaya...
Namkeen aur biscuit laana unke dimaag se hi nikal gaya tha!
Yunki biscuit aur chai ne ek behtreen shaam bana di thi....
Guftagu chalti rahi aur chuski saath saath ho rahi thi!
Pura packet namkeen ka akele thoosne ke baad...
Khaali packet ko khud phenk ke awkward se bane maahol ko tackle karne ke baad...
Chai ke cups ko sink main rakh ke...
Living room main aake apna bag uthaake...
Humne chale jaane ki unhe tassalli de kar...
"Bye Tc Cya" ki formality ko ada karke..
Ghar ki chaukat se nikal hi rahe the....
Tabhi...
"Vohi suni suni...
Meethi meethi si..
Kooyal jaisi awaaz ka ek dafa aur bulaava aaya..."
Sunoo....
"Kya tumhe Biryaani pasand hai?"
To be continued....
