Kya Hasraton ko paa rahe ho tum...
Ya Zindagi gawa rahe ho tum!
Din ki raftaar aur daftar giraftaar tumko iss kadar kar le....
Na tum khud ko jaante na apne tumhe pehchaante, bas sab nazar bhar le
Ghadi ko maashook aur paiso ko bhook samaj baithe ho...
Duniya ke liye muskaan aur nazar main unki khush ban baithe ho..
Kya Hasraton ko paa rahe ho tum...
Ya Zindagi gawa rahe ho tum!
Kaunsi bheed main bhala jaana chaahte ho...
Yun Tanhaayi ko kyu apni reed banana chaahte ho...
Jisko tumhaara intezaar na ho, uske liye kyu tadapna chaahte ho
Kisi anjaan ya anjaani apne ke liye kyu har pal bikharna chaahte ho..
Kya Hasraton ko paa rahe ho tum...
Ya Zindagi gawa rahe ho tum!
Neend tumhe pukaar rahi hai...
Par daulat usse utaar rahi hai..
Apna koi apnepann ka aehaas de agr,
Majboori tumhaari daftar ko sawaar rahi hai..
Kya Hasraton ko paa rahe ho tum...
Ya Zindagi gawa rahe ho tum!
Zara patton ka deedar kar ke dekho..
Zara chaahon ka sadkaar kar ke dekho..
Khud ko khud se mila kar toh dekho..
Kaun the aur kya hogye, zara jaan kar toh dekho..
Bewajah muskaan surat par le aa yaara..
Kisne iska bhav bhale lagaaya hai...
Aasmaan ko dekh ek dafah itminaan se...
Kisne isko unchaa udna sikhaaya hai..
Khushi khud se hai.. Dhoondhna sikho..
Kar kuch toh junoon aur mann ke sukoon se...
Zara asal main tum ab jeena sikho!
