Sangharsh hai yahan, bhuton ki manaahi..
Haathon mai kalam, bas umeed ki parchaayi..-Chorus
Aag mai lapte hum, khwaashein aazaad ..
Jab haar hi mile, lage bas waqt barbaad.
Nazron mai aasmaan, par haqeeqat zameen
Ek pal ki muskaan sahi, yunki sapne haseen.
Duniyadaari dikhaawe ki, maano voh naayaab hai..
Apnapann toh kahaan, bas
Jataate ki kaamyaab hai!
Yaariyan toh bhul gaye, bas
Daulat hi Shaurat hai..
Jinko Dil se apna maana tha
Aaj unki koi aur mohabbat hai!
Jo kabhi mehnat thi, aaj voh pagalpann..
Lage jaise apna kuch nhi, bas dusre sampann
Chaahat hai meri, chahiye voh aoudha..
Ab jaake pata chala,
Yeh toh barson ka sauda.
Aakhir mai, sirf yeh chaahta, Mera baap kehde shaabaash beta,
Maa rokar gale lagaale mujhko aur kehde waah, sona raja beta
Han, Sangharsh hai
Ji haaan Sangharsh hai...(chorus repeat)
Ya Raakh ho chaahe khaak ho
Par saahas mera paak ho
Kaamyaab na ho, kaabil sahi..
Kuch kar dikhaana meri firaaq ho...
Deewaron se baatein karta hu mai...
Raatein roz kaali karta hu mai...
Sabr karo, ruko zara...
Uske mudne par aage badhta hu mai...
Ek din suraj apna chaayega
Aree Apna time bhi aaayega
Sangharsh se Moksh aate hi..
Maa par muskaan laayega
Han sangharsh hai...(chorus repeat)
Ending monologue-
[Sar utha kar chale hum, Izzat mile bharpur
Kaash ho jaaye mere kaam se, Mere maa baap mashoor]
~Gantavya Mukaam
