Kyu Duniya main itne dukh baraste hai
Log khushi ke liye har waqt taraste hai
Kya kami reh gayi iss duniya ko banane main
Uss Khuda se jisne lagai apni jaan isko sawaarne main
Insaan darbadar bhatak raha hai
Kisi anjaan kauf main tadap raha hai
Saansoin par dukhoin ka bhoj lekar jee raha hai
Ek aasha ki kiran ke liye taras raha hai
Kyu khoon kharaaba aam baat ban gayi
Har roz pareshaaniyon ki ek nayi wajah ban gayi
Anginat masoom chehrein khushi ki chah main jee rahe hai
Upar waale se reham milne ki aas par jee rahe hai
Insaan hi khud se dushmani kar baitha hai
Haevaaniyat ko ek naya raasta dikha baitha hai
Apne apne na rahe...
Kuch paraaye hue
Kuch iss duniya se mitaye gaye
O rehnuma,haath jodhta hu main
Paer padhta hu tere main
Khatam kar de iss dukhoin ke jhanjhaal ko
De khushi aur sukoon har uss behaal ko
Jo na jaane kab se tadap rahe hai
Tere reham ke liye taras rahe hai
Kyun tu yeh nahi pehchaan paa raha ke tere hi banayi duniya tere saamne khatam ho rahi hai,
Sirf aur sirf ro rahi hai
Tere reham ke liye
Ek aasha ki kiran ke liye
Ek nayi zindagi ke liye
Ek nayi pehchaan ke liye..................
No comments:
Post a Comment